همسة حب
مشرف
عدد المساهمات : 471
تاريخ التسجيل : 29/02/2012
 |  موضوع: وصفه سريه للتخلص من الشعر الزائد نهائيا ... مجربه... الأحد مايو 13, 2012 8:17 pm | |
|
وصفه سريه للتخلص من الشعر الزائد نهائيا ... مجربه ..
جايبالكم وصفه جناااااااااان تقلل نمو شعر الجسم ومرتين وتلاقيه اختفى نهائيا
هاحكيلكم الحكايه برضه
طبعا كلنا بنضايق من الشعر اللى فى الجسم وطبعا انا ماسكتش فضلت اسأل لغاية مالحمد لله لاقيت الحل واحده كوافيره قالتلى عنها وجربتها لكذا عروسه ولنفسها كمان
و علشان خاطر عيونكم هاكتب الوصفه :
طبعا هى طريقة الحلاوه التقليديه بس عليها شوية اضافات (دى بقى اللى بتقلل الشعر وتمنع ظهوره )
كوب ماء
كوب سكر
من العطار تجيبى حاجه اسمها فسوخ بمقدار حبة البندق
مستكه مطحونه بمقدار ربع ملعقة شاى
3 معالق شبه مطحونه+ نصف ليمونه
ضعي كل المقادير على النار وافضلى قللبى قللبى قللبى زى مابتتعمل الحلاوه بالظبط
وبس .
بعدها شيلى الشعر عادى وهاتشوفى ازاى الشعر قلّ من اول مره واذا لاقيتى طلع مره تانيه بعد فتره قصيره اعمليه تانى بنفس الوصفه
انا عن نفسى عملته اول مره وبعد شهر ونصف طلع تانى ده لأنى مشعره جدا فعملت الوصفه تانى وشيلت الشعر
ودلوقتى بقاله تقريبا 6 شهور مش شايفاله اى أثر رحت للكوافيره قالتلى هو بيغيب اوى لما يبدأ يطلع وممكن يقعد سنه مايظهرش خالص وأذا ظهربعد السنه اعمليه تانى وهايقعد سنه وهكذا وفى مره مش هتلاقيه خالص
منقووول
| |
|
