موضوع: كيفية الشراء من موقع امازون - الشرح بالصور الأربعاء فبراير 01, 2012 11:44 am
شرح كيفية التسوق من موقع أمازون الشهير
يعتبر موقع امازون من اشهر مواقع التسوق الإلكتروني، وكما نلاحظ من فكرة شعاره البسيطة ان الموقع شامل كل شيئ من A إلى Z .
حتى تقدر تشتري من موقع امازون تحتاج يكون عندك صندوق بريد امريكي ، وشرح كيفية الحصول على صندوق البريد تم شرحها قبل كذا في هالموضوع [ندعوك للتسجيل في المنتدى أو التعريف بنفسك لمعاينة هذا الرابط]، ونتابع الآن الشرح على صندوق البريد الخاص بشركة ورلد شيب ( [ندعوك للتسجيل في المنتدى أو التعريف بنفسك لمعاينة هذا الرابط])
نشاهد في الصورة شرح مختصر لواجهة الموقع ، تقدر تكتب اي شيء تحتاجه في مستطيل البحث الموجود في الآعلى أو تتصفح الموقع حسب الأقسام المناسبه لميولك ( العاب، كتب ، اكسسوارات .. الخ ). بالنسبة لي أكملت الشرح بالبحث عن كوب كانون ( Canon Coffee Mug )
بعد البحث ستشاهد النتائج بهالشكل ، فيه اقتراحات للبحث في الآعلى بعدين تحتها المنتجات مصفوفه ، يأتي دورك للبحث عن المنتج المناسب لك من ناحية السعر والموصفات والتقييم .. أنا اخترت اول خيار في البحث ، لاني حسيته مناسب لي فعلاً
بعد الاختيار بتفتح لنا الصفحه الخاصة بالمنتج ، نشاهد على اليسار صور المنتج وبجانبها البيانات الاساسية ( السعر الاساسي، السعر بعد الخصم، مبلغ التوفير، اسم المتجر اللي يبيع المنتج ، العدد المتبقي " وعدد المتاجر اللي تبيع نفس المنتج وبكم يبدأ سعرهم ) بعدين على اليمين تشاهد سعر المنتج + سعر الشحن وفوقة خيار الكمية ( في حال تبي تطلب خمسة اكواب وتصير تحطهم مع القهوة المغرب )
لو ننزل لتحت في نفس الصفحه ستشاهد معلومات اضافية للمنتج ..
مميزات المنتج ، هل هو مصنوع من حديد ، المنيوم ، أو خشب مثلاً؟.. يفتح ويغلق وإلا بس حاطين الغطاء معه زينه ؟ .. الخ
تفاصيل المنتج، توضح لك وزنه ( تفيدك في الشحن ) والتقييم ولو فيه معلومات ثانية عنه بتنذكر هنا مثل الحجم على سبيل المثال ( ممكن يكون منتج بثر، وزنه خفيف لكن كرتونه كبير )
اراء الزبائن حول المنتج، يعرض لك تقييمهم والتعليق على المنتج .. هل هو زين؟ هل واجهوا مشاكل؟ وما إلى ذلك
بعد الإطلاع على جميع التفاصيل والتأكد بأن هذا المنتج هو المناسب لنا، نضغط على ( Add to Cart ) الموجودة فوق على اليمين عشان نضيف المنتج لسلة التسوق
بتطلع لنا صفحه تبين لنا ان المنتج تمت إضافته للسلة، بعد كذا تقدر تستمر في التسوق لو تبي تكمل المقاضي حقتك يعني .. او تختار كلمة ( Proceed to checkout )
بتفتح لك صفحه تسجيل الدخول / التسجيل في الموقع .. لو كان عندك حساب مسبق تختار الخيار الثاني ، او تختار الخيار الثاني عشان تسجل عضوية جديدة ..
تملأ البيانات المطلوبة ( اسمك، بريدك الألكتروني مرتين، رقم جوالك " اختياري "، كلمة المرور مرتين )
بعدين بيطلب منك بيانات الشحن، اللي هي عنوانك في امريكا .. لذا تفتح حسابك في موقع الورلدشيب وتنقل البيانات كما هي
بعد ماتدخل عنوانك الخاص بالورلدشيب بيطلع لك موقع امازون اقتراح لتعديل عنوانك اللي دخلته، واللي هو عبارة عن اربعة ارقام في الرمز البريدي، وتعديل في ترتيب العنوان .. التعديل مايضرك بشيء بالعكس يساعد موقع امازون في التوصيل .. لذا اختر العنوان الخاص فيهم بعد التعديل وبعدين اختر Ship to this address
بعد ما تختار العنوان المعدل بيرجعك لنفس الصفحه الأولى لكنه بيعرض لك العنوان بعد التعديل .. اضغط على Ship to this address
هنا الموقع بيشاورك في الشحن .. اذا ما كان المنتج معه عرض التوصيل مجاناً، فـ في الغالب الاستاندر ارخص
وفي الاخير بيطلب منك بياناتك المالية، تضغط على الايقونة المحددة في الصورة عشان تضيف بيانات بطاقتك الفيزا او الماستر كارد ..
بعد ماتضيف البيانات بتطلع لك البطاقة فوق عشان يعلمك انها انضافة لحسابك في الموقع، اضغط Continue
وفي الاخير بيعرض لك ملخص طلبك وبيكتب لك عنوانك فوق وبيانات البطاقة اللي بتدفع فيها وطريقة الشحن وكل شيء .. خلاص كل شيء زين وتبي تسوي الطلب ؟ .. اضغط على Place your order وخلاص مبروك عليك .. بكذا تصير اشتريت من موقع امازون :cheers: ..
* * * *
لنفترض انك ماتبي تشتري كوب وتبي جهاز الكتروني زي الايبود على سبيل المثال .. بكل بساطة تكتب في مستطيل البحث كلمة iPod وبتطلع لك نتائج البحث
بتشوف تحت الجهاز مختصر للمعلومات ، سعره قبل وبعد الخصم، سعر المستخدم "في حالت كان فيه مستخدم للبيع" وتقييمه … وفيه على يسار الموقع مستطيل فيه خيارات تساعدك في البحث
تحدد الجهاز اللي تبحث عنه جديد والا لا؟ وكم السعر اللي حاطه في بالك؟ حالة الجهاز جديد والا مستخدم والا مجدد؟ وتبحث برضو بالتقييم لو ترغب
الرئيسية 
