مربى الفريز من ألذ المربيات وهلأ موسم الفريز البلدي
عنا بسورية طعمتو وريحتو غير شكل والمربى رح يكون ألذ دائما مع الفطور الصباحي للأولاد مع الزبدة والجبنة قبل مايروحو مدرستهن
المقادير 10 كيلو فريز
9 كيلو سكر ((واذا مابتعرفي الوزن ضعي الفريز بوعاء معين وبنفس الوعاء ضعي كمية السكر بنفس مستوى الفريز))
ملعقة صغيرة ملح ليمون
2 باكيت جيلي بالفريز
انصحك عزيزتي بأن تجربي بمقادير قليلة اذا كانت تجربتك الاولى
التحضيرنقوم بغسل الفريز وقطع القسم الأخضر منه
اذا كان حجم الحبة كبير الأفضل قطع الفريزة نصفين
ثم نخلط السكر بالفريز
و (((نتركها من المساء للصباح ))) مع التحريك من وقت لآخر .. رح تشوفي كيف صار الفريز رخو وصار فيه الصوص اللي كلنا منحبو
نشعل الغاز عالقوي ونبقى بجانبه حتى تصير الرغوة وبسرعة بهدي الغاز حتى مايفور الفريز على الغاز ونبدأ بإزالة الرغوة كلها .. ونستمر بإزالها كلما ظهرت
وآخر خطوة نضيف ملعقة صغيرة ملح ليمون وإذا الكمية قليلة انتبهي ماتكتري رشة بتكفي
ثم نضيف 2 باكيت جيلي بالفريز ونحرك بسرعة وبقوي الغاز متل مو باين بالصورة
نتركهم لمدة عشر دقائق حتى يتماسكو قليلاً
وطبعاً بمجرد أن يبرد المربى رح بتلاقيه تماسك أكتر ..
ولما يبردوا على الآخر أضعهم في مطربنات زجاج
وأنا بحتفظ بمطربنات النسكافيه
الرئيسية 
